<?xml version="1.0" encoding="UTF-8"?><song><lyrics>[V1]
 Nitak hullo moma hokʋt
 Chihowa i̱ nitak oke;
 E moma kʋt achukmʋlit
 E holitobli pulashke.

[V2]
 Himak nitak fehna kʋto
 Chihowa i̱ nitak oka,
 Ʋbanumpa holitopa
 Haklot il itʋnahʋshke.

[V3]
 Yakohmit e chieya kʋt
 Ʋba anumpa achukma
 Haklot il aiasha kak osh
 Pi chu̱kʋsh ʋt yuhu̱kpʋshke

[V4]
 Pi̱ki ʋba binili kʋt
 Achukma bieka hoka,
 Hatak ilbʋsha pia hʋt
 Il anukcheto pullashke.

[V5]
 Holitobli fehna mak osh,
 Hatak yoshoba pia hʋt,
 Nitak, ninak moyuma ka,
 Il im anumpohonlashke.

[V6]
 Ʋba Pi̱ki Chihowa ma!
 Yakni ish ai ahanta ka,
 Aholitopaka yoka,
 Ont pisa he pi bʋnnʋshke.

[V7]
 Chisʋs ai ahanta hoka
 Nitak hullo abilia
 Ont il aiasha he, ahnit
 E chim asihi̱hla hoke.</lyrics>
<title>Nitak hullo moma hokʋt ƲIT99</title>
<time_sig>L.M. (8.8.8.8.)</time_sig>
<hymn_number>99</hymn_number>
<author>Cyrus Byington</author>
</song>